ឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង ជាប្រធានគណៈកម្មាធិការ ស.អ.ក ខេត្តកោះកុង នាថ្ងៃទី២០ ខែកញ្ញា ឆ្នាំ២០២៥ បានដឹកនាំក្រុមលេខាធិការដ្ឋាន ស.អ.ក ខេត្ត ចុះសួរសុខទុក្ខ និងនាំយកថវិកាបេឡាមរណសង្គ្រោះ ចំនួន៤លានរៀល ជូនគ្រួសារសពជាសមាជិក ស.អ.ក លោក កៅ មុី រស់នៅភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង ដែលបានទទួលមរណភាព កាលពីថ្ងៃទី១៦ ខែកញ្ញា ឆ្នាំ២០២៥ ។

ក្នុងឱកាសនោះ គណៈកម្មាធិការ ស.អ.ក ខេត្ត ក៏បាននាំយកអំណោយមនុស្សធម៌របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាអនុប្រធានទី១សមាគមអតីតយុទ្ធជនកម្ពុជា និងលោកជំទាវបណ្ឌិត ពេជ ចន្ទមុន្នី រួមមាន៖ អង្ករចំនួន ២បាវតូច ស្មេី ៥០គីឡូក្រាម មីចំនួន ២កេសតូច ទឹកត្រីចំនួន ១កេស ទឹកសុីអុីវចំនួន ១កេស ទឹកក្រូចចំនួន ១កេស និងទឹកសុទ្ធចំនួន ១កេស ។ 

ជាមួយគ្នានោះ លោកជំទាវ ឈី វ៉ា អភិបាលនៃគណៈអភិបាលខេត្ត ជាអនុប្រធានកិត្តិយស ស.អ.ក. ខេត្ត បានឧបត្ថម្ភថវិកាបន្ថែមចំនួន ៥០មុឺនរៀល ផងដែរ។

រូបភាព ស.អ.ក ខេត្តកោះកុង