គណៈកម្មាធិការ អ.ន.ក. ក្រុងតាខ្មៅ និងស្រុកលើកដែក ដឹកនាំដោយលោកអភិបាលរង តំណាងលោកអភិបាលនៃគណៈអភិបាលក្រុង/ស្រុក និងជាប្រធាន អ.ន.ក. ក្រុងតាខ្មៅ និងស្រុកលើកដែក កាលពីថ្ងៃទី១១ ខែធ្នូ ឆ្នាំ២០២៥ បានចុះប្រគល់ថវិកាបេឡាមរណសង្គ្រោះចំនួន ៨លានរៀល ជូនដល់គ្រួសារសពសមាជិក  អ.ន.ក. ចំនួន ០២គ្រួសារ។

គ្រួសារសពសមាជិកសមាគមអតីតយុទ្ធជន និងនិវត្តកម្ពុជា ចំនួន ២គ្រួសារ រួមមាន៖

១-លោក យន់ ឡី រស់នៅភូមិព្រែកថី សង្កាត់រកាខ្ពស់ ក្រុងតាខ្មៅ ខេត្តកណ្តាល បានទទួលមរណភាពកាលពីថ្ងៃទី២៥ ខែវិច្ឆិកា ឆ្នាំ២០២៥។

២-លោក លាង ឈៀង រស់នៅភូមិកណ្ដាល ឃុំសណ្ដារ ស្រុកលើកដែក ខេត្តកណ្តាល បានទទួលមរណភាពកាលថ្ងៃទី២០ ខែវិច្ឆិកា ឆ្នាំ២០២៥។

ក្នុងឱកាសនោះ គណៈកម្មាធិការ  អ.ន.ក. ក្រុង/ស្រុក ក៏បានជួយឧបត្ថម្ភដល់គ្រួសារសពនូវ អង្ករ ចំនួន ១០០គីឡូក្រាម និងគ្រឿងឧបភោគបរិភោគមួយចំនួនទៀត៕

រូបភាព អ.ន.ក. ក្រុងតាខ្មៅ