ឧត្តមសេនីយ៍ទោ ចិន នី ប្រធានគណៈកម្មាធិការ ស.អ.ក.ខេត្តត្បូងឃ្មុំ នាថ្ងៃសុក្រ ទី២៩ ខែសីហា ឆ្នាំ២០២៥ នេះបានចាត់ឲ្យ ក្រុមការងារលេខាធិការដ្ឋាន ស.អ.ក. ស្រុកត្បូងឃ្មុំ និងស្រុកក្រូចឆ្មារ ព្រមទាំងសហការី នាំយកថវិកាបេឡាមរណសង្គ្រោះ ចំនួន ៨លានរៀល ប្រគល់ជូនគ្រួសារសពអតីតយុទ្ធជន ចំនួន ២គ្រួសារ  ក្នុងខេត្តត្បូងឃ្មុំ។

ថវិកាបេឡាមរណសង្គ្រោះខាងលើ​ត្រូវបានប្រគល់ជូនគ្រួសារ ចំនួន ២រួមមាន៖ ១.លោក ណាង សុខជា រស់នៅភូមិទួលវិហារ ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ ទទួលមរណៈភាពកាលពីថ្ងៃទី១៣ ខែសីហា ឆ្នាំ២០២៥ មានកូនឈ្មោះ ជា វន្នី ភេទស្រី ជាអ្នកទទួលបណ្ដាំ។

២.លោកស្រី កែវ ស៊ីផាន រស់នៅភូមិដើមជ្រៃ ឃុំក្រូចឆ្មារ ស្រុកក្រូចឆ្មារ ខេត្តត្បូងឃ្មុំ ទទួលមរណៈភាពកាលពីថ្ងៃទី១២ ខែសីហា ឆ្នាំ២០២៥ មានកូនឈ្មោះ ចន ស៊ីវ៉ាន់ណារ៉ា ជាអ្នកទទួលបណ្ដាំ។