គណៈកម្មាធិការ ស.អ.ក ស្រុក តំណាងឧត្តមសេនីយ៍ត្រី នាង សុភារ៉ា មេបញ្ជាការ តំបន់ប្រតិបត្តិការសឹករងតាកែវ និងជាប្រធានគណៈកម្មាធិការ ស.អ.កខេត្ត នាថ្ងៃទី១០ ខែកញ្ញា ឆ្នាំ២០២៥ នេះ បាននាំយកថវិកាបេឡាមរណសង្រ្គោះ ចំនួនម្ភៃប្រាំបីលានរៀល និងលិខិតរំលែកមរណទុក្ខ ប្រគល់ជូនគ្រួសារសពអតីតយុទ្ធជនចំនួន ០៧គ្រួសារ ក្នុងខេត្តតាកែវ។

ក្នុងឱកាសនោះ គណៈកម្មាធិការ ស.អ.ក ស្រុក  ក៏បាននាំយកអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ឧបត្ថម្ភជូនគ្រួសារសពមានដូចជា អង្ករ ៥០គីឡូក្រាម និង២៥ គីឡូក្រាម ,មី ១កេស, ទឹកត្រី ១យួរ , ទឹកស៊ីអ៊ីវ ២យួរ ព្រមទាំងទឹកសុទ្ធ ២ កេសផងដែរ ៕

រូបភាព៖ ស.អ.ក ខេត្តតាកែវ