គណៈកម្មាធិការ ស.អ.ក ខេត្តស្ទឹងត្រែង ដឹកនាំដោយលោកឧត្តមសេនីយ៍ត្រី តន ឆៃ មេបញ្ជាការ តំបន់ប្រតិបត្តិការសឹករងស្ទឹងត្រែង និងជាប្រធាន ស.អ.ក ខេត្តស្ទឹងត្រែង នាថ្ងៃទី១០ ខែកញ្ញា ឆ្នាំ២០២៥ នេះ បាននាំយកថវិកាបេឡាមរណសង្គ្រោះចំនួន ៨លានរៀល ជូនដល់គ្រួសារសពអតីតយុទ្ធជនដែលជាសមាជិក ស.អ.ក ចំនួន ០២ គ្រួសារ រស់នៅភូមិភ្នំធាតុ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។ 

ថវិកាបេឡាមរណសង្គ្រោះខាងលើត្រូវបានប្រគល់ជូនគ្រួសារសពអតីតយុទ្ធជនទាំង ០២ រួមមាន៖ ១-ឈ្មោះ ប៊ុន ស៊ី ភេទស្រី អាយុ៧៩ ឆ្នាំ ត្រូវជាគ្រួសារពលី រស់នៅភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង ដែលបានទទួលមរណភាពកាលពីថ្ងៃទី១៥ ខែកក្ដដា ឆ្នាំ២០២៥។ ២-ឈ្មោះ គង់ វ៉ាន់ ភេទស្រី អាយុ៧២ ឆ្នាំ ត្រូវជាគ្រួសារពលី រស់នៅភូមិអូឡង់ ឃុំសៀមបូក  ស្រុកសៀមបូក ខេត្តស្ទឹងត្រែង ដែលបានទទួលមរណភាពកាលពី ថ្ងៃទី២៣ ខែសីហា ឆ្នាំ២០២៥៕

រូបភាព៖ ស.អ.ក ខេត្តស្ទឹងត្រែង