អភិបាលស្រុកសំឡូតនាំយកថវិកាបេឡាមរណសង្គ្រោះជូនគ្រួសារអតីតយុទ្ធជន ២គ្រួសារ ក្នុងខេត្តបាត់ដំបង

លោក សើ សាម៉េត អភិបាលនៃគណៈអភិបាលស្រុក និងជាប្រធានស.អ.ក ស្រុកសំឡូត នាថ្ងៃទី០៤ ខែសីហា ឆ្នាំ២០២៥ នេះ បានដឹកនាំក្រុមការងារនាំយកថវិកាបេឡាមរណសង្គ្រោះចំនួន ៨,០០០,០០០រៀល ប្រគល់ជូនគ្រួសារអតីតយុទ្ធជនចំនួន ២គ្រួសារ ក្នុងខេត្តបាត់ដំបង ដែលក្នុង១គ្រួសារ ទទួលបានថវិកាចំនួន ៤,០០០,០០០ រៀល។

ថវិកាបេឡាមរណសង្គ្រោះខាងលើ ត្រូវបានប្រគល់ជូនគ្រួសារសពអតីតយុទ្ធជនពិការ២គ្រួសាររួមមាន៖ ទី១. លោក ភួង ប៊ុត អាយុ ៦៥ឆ្នាំ បានទទួលមរណភាពដោយរោគាពាធ កាលពីថ្ងៃទី០២ ខែសីហា ឆ្នាំ២០២៥ មានទីលំនៅភូមិអូរស្ងួត ឃុំតាសាញ ស្រុកសំឡូត ខេត្តបាត់ដំបង។ ទី២. គ្រួសារនិវត្តជន លោក ជា ពឿន អាយុ ៧១ឆ្នាំ ទទួលមរណភាពដោយរោគាពាធ កាលពីថ្ងៃទី២៨ ខែកក្កដា ឆ្នាំ២០២៥ មានទីលំនៅភូមិអូរច្រាប ឃុំសំឡូត ស្រុកសំឡូត ខេត្តបាត់ដំបង៕