សម្តេចអគ្គមហាសេនាបតីតេជោ នាយឧត្តមសេនីយ៍ផុតលេខ ផ្កាយមាស៥ ហ៊ុន សែន ប្រមុខរដ្ឋស្តីទី និងជាប្រធានសមាគមអតីតយុទ្ធជន និងនិវត្តជនកម្ពុជា នាថ្ងៃទី២៩ ខែឧសភា ឆ្នាំ២០២៥ នេះ បានមានប្រសាសន៍ថ្លែងអំណរគុណដល់អង្គមហាសន្និបាត ដែលបានបោះឆ្នោតតែងតាំងសម្ដេចជាប្រធានសមាគមពេញមួយជីវិត។

ក្នុងឱកាសនៃមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស សម្តេចតេជោបានមានប្រសាសន៍បន្ថែមថា៖ «នៅពេលដែលខ្ញុំពុំអាចបន្តជាប្រធាន អ.ន.ក បាន ពេលនោះអនុប្រធានទី១ នឹងក្លាយជាប្រធាន អ.ន.ក បន្តតែម្តង»។

សូមជម្រាបជូនថា សមាគមអតីតយុទ្ធជនកម្ពុជា ត្រូវបានប្ដូរឈ្មោះមកជាសមាគមអតីតយុទ្ធជន និងនិវត្តជនកម្ពុជា ដោយមហាសន្និបាតវិសាមញ្ញាតំណាងសមាគមអតីតយុទ្ធជនកម្ពុជាទូទាំងប្រទេស នាថ្ងៃទី ២៩ ខែកញ្ញា ឆ្នាំ២០២៥។ 

សមាគមអតីតយុទ្ធជន និងនិវត្តជនកម្ពុជា មានសម្ដេចតេជោជាប្រធាន និងសម្ដេចធិបតី ហ៊ុន ម៉ាណែត ជាអនុប្រធានទី១ នៃសមាគម។