លោក វរសេនីយ៍ ឯក ប៊ូ សារិន មេបញ្ជាការ តំបន់ប្រតិបត្តិការសឹករង តំណាងឯកឧត្តម ប្រធាន ស.អ.ក ខេត្តកែប នាថ្ងៃសុក្រ ទី២៩ ខែសីហា ឆ្នាំ២០២៥ នេះ បានដឹកនាំក្រុមការងារលេខាធិការដ្ឋាន ស.អ.ក ខេត្ត និងសាខាមូលនិធិជាតិជំនួយសង្គម ចូលរួមក្នុងពិធីប្រគល់ប្រាក់ធានារ៉ាប់រងសង្គមជូនគ្រួសារសពសមាជិកសមាគមអតីតយុទ្ធជន ចំនួន២គ្រួសារ ក្នុងខេត្តកែប។

ថវិកាខាងលើត្រូវបានប្រគល់ជូនគ្រួសារចំនួន២រួមមាន៖ ១.លោក ពៅ ទាវ រស់នៅ ភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ទទួលបាន ៩លានរៀល មានភរិយាឈ្មោះ ឆោម លន ជាអ្នកទទួលបណ្ដាំ ។
២.លោក ង៉ែត ឈឿន រស់នៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប ទទួលបាន ៨៥២០០០០ រៀល មានភរិយាឈ្មោះ ស៉ឹម សារឿន ជាអ្នកទទួលបណ្ដាំ។