លោក ស៊ុយ សុភ័ក្រ្តវិបុល ប្រធានស្ដីទីនៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកំពត និងជាអនុប្រធានប្រចាំការ ស.អ.ក ខេត្តកំពត នៅថ្ងៃទី០៧ ខែសីហា ឆ្នាំ២០២៥ បានដឹកនាំក្រុមកាងារ រួមទាំងមាន លោក ស៊ឹម សេរីវុឌ្ឍ ប្រធានសាខា ម.ជ.ជ ខេត្តកំពត នាំយកថវិកាបេឡាមរណសង្រ្គោះចំនួន ៨លានរៀល ជូនគ្រួសារនៃសពអតីតយុទ្ធជនចំនួន ០២គ្រួសារ ក្នុងខេត្តកំពត។

ថវិកាបេឡាមរណសង្គ្រោះខាងលើ ត្រូវបានប្រគល់ជូនគ្រួសារនៃសពចំនួន ០២គ្រួសាររួមមាន៖ 

ទី១. គ្រួសារ លោក ខៀវ ចន្ធី ជានិវត្តជន រស់នៅភូមិសំរោង ឃុំជុំគ្រៀល ស្រុកទឹកឈូ ខេត្តកំពត បានទទួលមរណភាពកាលពីថ្ងៃទី២០ ខែកក្កដា ឆ្នាំ២០២៥ និងទី២. គ្រួសារ លោក អោក ធួន ជាអតីតយុទ្ធជនពិការ រស់នៅភូមិកំពង់បាយ សង្កាត់កំពង់បាយ ក្រុងកំពត ខេត្តកំពត បានទទួលមរណភាពកាលពីថ្ងៃទី១៤ ខែកក្កដា ឆ្នាំ២០២៥៕