លោក វរសេនីយ៍ទោ ឆាយ ទៀង អធិការរង តំណាងលោកអធិការនគរបាលស្រុកភ្នំស្រួច និងជាប្រធាន ស.អ.ក ស្រុក នាថ្ងៃទី០៨ ខែសីហា ឆ្នាំ២០២៥ នេះ បានដឹកនាំក្រុមការងារ នាំយកថវិកាបេឡាមរណសង្គ្រោះចំនួន ៤លានរៀល និងលិខិតចូលរួមរំលែកមរណទុក្ខជូនគ្រួសារសពអតីតយុទ្ធជនកម្ពុជាមួយគ្រួសារ ក្នុងខេត្តកំពង់ស្ពឺ។

ថវិកាបេឡាមរណសង្គ្រោះខាងលើ ត្រូវបានប្រគល់ជូនគ្រួសារនៃសពនិវត្តជនឈ្មោះ សាយ សុខា ភេទប្រុស អាយុ ៧៥ឆ្នាំ រស់នៅភូមិសេរីវ័ន្ត ឃុំមហាសាំង ស្រុកភ្នំស្រួច ខេត្តកំពង់ស្ពឺ ដែលបានទទួលមរណភាពដោយរោគាពាធ កាលពីថ្ងៃទី២៧ ខែមិថុនា ឆ្នាំ២០២៥៕