ស.អ.ក ខេត្តកំពង់ឆ្នាំង នាំយកថវិកាបេឡាមរណសង្រ្គោះជូនគ្រួសារសពអតីតយុទ្ធជន១៦គ្រួសារ

11 សីហា 2025

1 នាទីអាន

ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានស.អ.ក ខេត្ត អមជាមួយលោក ឈាង ចន្ធី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានអចិន្ត្រៃយ៍ ស.អ.ក ខេត្តកំពង់ឆ្នាំង នាថ្ងៃទី១១ ខែសីហា ឆ្នាំ២០២៥នេះ បានដឹកនាំក្រុមការងារ និងអាជ្ញាធរមូលដ្ឋាននាំយកថវិកាបេឡាមរណសង្គ្រោះ ចំនួន ៦៤លានរៀល និងលិខិតរំលែកមរណទុក្ខ ប្រគល់ជូនគ្រួសារសពអតីតយុទ្ធជនកម្ពុជា ចំនួន១៦គ្រួសារ ក្នុងខេត្តកំពង់ឆ្នាំង។

ថវិកាបេឡាមរណសង្គ្រោះខាងលើ ត្រូវបានប្រគល់ជូនគ្រួសារនៃសពចំនួន១៦គ្រួសារ ក្នុងនោះមកពី ស្រុករលាប្អៀរ ចំនួន ១១គ្រួសារ ក្រុងកំពង់ឆ្នាំង ៣គ្រួសារ និងស្រុកទឹកផុស ២គ្រួសារ៕