ស.អ.ក ខេត្តកំពង់ឆ្នាំង ដឹកនាំក្រុមការងារ ចុះពិនិត្យជីវភាពរស់នៅ និងនាំយកអំណោយរបស់សម្ដេចធិបតីជូនគ្រួសារអតីតយុទ្ធជន៣គ្រួសារ

29 សីហា 2025

0 នាទីអាន

ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករងកំពង់ឆ្នាំង និងជាប្រធានស.អ.ក ខេត្ត នាថ្ងៃទី២៨ ខែសីហា ឆ្នាំ២០២៥ នេះ បានដឹកនាំក្រុមការងារស.អ.ក ខេត្ត ចុះពិនិត្យជីវភាពរស់នៅ និងការបង្កបង្កើនផលដំណាំរបស់បងប្អូនអតីតយុទ្ធជន ដែលកំពុងរស់នៅលើដីសម្បទានសង្គមកិច្ចស្ថិតនៅភូមិសាស្រ្ត ភូមិខ្សាច់ស ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។

ក្នុងឱកាសនោះ ឧត្តមសេនីយ៍ត្រី អ៊ុំ សុភា ក៏បាននាំយកអំណោយដ៏ថ្លៃថ្លារបស់សម្ដេចបវរធិបតីហ៊ុន ម៉ាណែត ជូនគ្រួសារអតីតយុទ្ធជនកម្ពុជា ចំនួន០៣គ្រួសារ ដែលមានដូចជាអង្ករ, ទីកត្រី, ទឹកសុីអុីវ, ត្រីខ និងតង់៕