ឯកឧត្តម អេង ចំរើន ផ្ដល់ថវិកាសាងសង់ផ្លូវគ្រួសក្រហមប្រវែង ៥៥០ម៉ែត្រ ក្នុងដីសម្បទានសង្គមកិច្ចខេត្តព្រះសីហនុ

8 សីហា 2025

0 នាទីអាន

ឯកឧត្តម អេង ចំរើន ទីប្រឹក្សាសម្តេចអគ្គមហាសេនាបតីតេជោ ហ៊ុន សែន និងជារដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា បានឧបត្ថមថវិកាសាងសង់ផ្លូវគ្រួសក្រហមមួយខ្សែប្រវែង៥៥០ម៉ែត្រ ស្ថិតក្នុងដីសម្បទានសង្គមកិច្ច ដើម្បីសម្រួលដល់ការធ្វើដំណើរចូលទៅភូមិថ្មីដែលត្រៀមសាងសង់ផ្ទះជូនអតីតយុទ្ធជនចំនួន ៣១ខ្នង ស្ថិតនៅភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។
តាមការឱ្យដឹងពី ឧត្តមសេនីយ៍ត្រី នូវ សំអុល មេបញ្ជាការប្រតិបត្តិការសឹករងព្រះសីហនុ នៅថ្ងៃទី៦ ខែសីហា ឆ្នាំ២០២៥ ក្រុមការងារស្ថាបនាផ្លូវបានដឹកនាំគ្រឿងចក្រចុះទៅលើកតួផ្លូវរួចរាល់ជាស្ថាពរ ដែលការងារនេះនឹងបន្តឈូសពង្រាបផ្លូវបន្ថែមទៀតផងដែរ៕