គណៈកម្មាធិការ អ.ន.ក ខណ្ឌច្បារអំពៅ ដឹកនាំដោយលោក ចេង មុនីរ៉ា អភិបាល នៃគណៈអភិបាលខណ្ឌច្បារអំពៅ និងជាប្រធានកិត្តិយស អ.ន.ក ខណ្ឌច្បារអំពៅ នាថ្ងៃទី២១ ខែតុលា ឆ្នាំ២០២៥ បានប្រគល់ថវិកាបេឡាមរណសង្គ្រោះចំនួន ១៦ លានរៀល និងលិខិតចូលរួមរំលែកមរណទុក្ខជូនគ្រួសារសពសមាជិកសមាគមអតីតយុទ្ធជន និងនិវត្តជនកម្ពុជាចំនួន ៤គ្រួសារ ស្ថិតនៅក្នុងខណ្ឌច្បារអំពៅ រាជធានីភ្នំពេញ។

ថវិកាបេឡាមរណសង្គ្រោះខាងលើត្រូវបានប្រគល់ជូនគ្រួសារសពចំនួន ៤គ្រួសារ រួមមាន៖

១/ គ្រួសារសពលោក សុខ វត្ថា ជានិវត្តជន រស់នៅភូមិស្វាយតាអុក សង្កាត់វាលស្បូវ រាជធានីភ្នំពេញ។

២/ គ្រួសារសពលោក ឡេង ជួន ជានិវត្តជន រស់នៅភូមិព្រែក សង្កាត់ច្បារអំពៅ១ រាជធានីភ្នំពេញ។

៣/ គ្រួសារសពលោក ទ្រិញ ម៉េង ជាជនពិការ នៅសង្កាត់ច្បារអំពៅ១ រាជធានីភ្នំពេញ។

៤/ គ្រួសារសពលោក ឃួន ប៊ុនវន្ត័ ជានិវត្តជន រស់នៅភូមិចំពុះក្អែក សង្កាត់ព្រែកថ្មី រាជធានីភ្នំពេញ។

រូបភាព អ.ន.ក ខណ្ឌច្បារអំពៅ