គណៈកម្មាធិការ អ.ន.ក ស្រុកខ្សាច់កណ្ដាល និងស្រុកកៀនស្វាយ នាថ្ងៃទី១១ ខែវិច្ឆិកា ឆ្នាំ២០២៥ បានដឹកនាំក្រុមការងារចុះប្រគល់ថវិកាបេឡាមរណសង្គ្រោះចំនួន ៨លានរៀល ជូនដល់គ្រួសារសពសមាជិក អ.ន.ក ចំនួន ០២គ្រួសារ ក្នុងខេត្តកណ្ដាល។

ថវិកាបេឡាមរណសង្គ្រោះខាងលើ ត្រូវបានប្រគល់ជូនគ្រួសារសពចំនួន២ រួមមាន៖
១/ លោក ខែម ស៊ុយ រស់នៅភូមិក្នុងឃុំព្រែកតាមាក់ ស្រុកខ្សាច់កណ្ដាល ខេត្តកណ្តាល ដែលបានទទួលមរណភាពកាលពីថ្ងៃទី២៧ ខែវិច្ឆិកា ឆ្នាំ២០២៥។
២/ លោក វ៉ន វ៉ុន រស់នៅភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល ដែលបានទទួលមរណភាពកាលថ្ងៃទី០៦ ខែវិច្ឆិកា ឆ្នាំ២០២៥។ 

ក្នុងឱកាសនោះ គណៈកម្មាធិការ អ.ន.ក ស្រុក ក៏បានជួយឧបត្ថម្ភដល់គ្រួសារសពនូវ អង្ករចំនួន ១០០គីឡូក្រាម និងគ្រឿងឧបភោគ បរិភោគមួយចំនួនទៀត៕

រូបភាព អ.ន.ក ខេត្តកណ្ដាល