លោក សេង សុគន្ធចាត់ អធិការនគរបាលស្រុកដងទង់ និងប្រធានសមាគមអតីតយុទ្ធជន និងនិវត្តជនកម្ពុជា ស្រុក នាថ្ងៃទី២៤ ខែវិច្ឆិកា ឆ្នាំ២០២៥ នេះ បានដឹកនាំក្រុមការងារជាមួយអាជ្ញាធរមូលដ្ឋាន ចុះជួបសំណេះសំណាលសាកសួរសុខទុក្ខគ្រួសារអតីតយុទ្ធជនមួយគ្រួសារគឺលោក យូ សារិ ដែលមានជីវភាពខ្វះខាត និងមានកូនច្រើនក្នុងបន្ទុក ហើយទើបទទួលបានការសាងសង់ផ្ទះរួចរាល់ តាមរយ:ការជួយឧបត្ថម្ភពីឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ជាប្រធានក្រុមការងារចុះមូលដ្ឋានខេត្តកំពត ដែលផ្ដល់ជូនជម្រកស្នាក់នៅសមរម្យឱ្យពួកគាត់បានរស់នៅជួបជុំគ្រួសារ ស្ថិតនៅភូមិព្រៃសំណាងក្រោម ឃុំឃ្ជាយខាងជើង ស្រុកដងទង់ ខេត្តកំពត។